Unsere Neuheiten
-
Kak je Findus k Petterssonej přišoł
15,00 €inkl. 7% MwSt., zzgl. VersandkostenBěše něhdy stary muž, tón rěkaše Pettersson. Bydleše sam w swojej čerwjenej chěžce zwonka wsy. Wšědny dźeń zaběraše so ze zastaranjom swojich wonajkich kokošow, z wudźenjom w bliskim haće a wosebje z piplenjom wokoło swojich njewšědnych wunamakankow. Čuješe so pak někak samotny. Rjaneho dnja přinjese jemu susodka papjercowy karton, na kotrymž steješe: „Findus. Zeleny hroch“. Ale što bě w nim? Nic hroch, ale kocork, kiž bě tak mały, zo měješe w Petterssonowej dłóni městno. To bě rjany dar a spočatk wulkotneho přećelstwa. Spočatnje njemóžeše kocork rěčeć a njeměješe tež cholowy zdrasćene. Jednoho dnja pak praji: „Tajke cholowy chcu tež měć!“ Kajkeho wulkotneho přećela bě Pettersson to namakał … wot 4 lět -
Chrósćicy • Crostwitz
39,00 €inkl. 7% MwSt., zzgl. VersandkostenWopyt dweju pozdźišeju bamžow, mjezynarodny folklorny festiwal Łužica, šulski zběžk abo Europeada – tole su wšitko mězniki w stawiznach serbskeje katolskeje wsy a wosady Chrósćicy zašłych sto lět. Wona woswjeći lětsa swoju 800. róčnicu pisomneho naspomnjenja a tuž je na času so po njej rozhladować! Najwšelakoriše nastawki wotkrywaja zajimawostki ze stawiznow wosady, wopisuja wokolne wjeski a skićeja dohlady do tudyšeho pastoralneho, sportoweho a kulturneho žiwjenja.
Njeličomne fota z archiwow a priwatnych rukow, wjele z nich dotal njewozjewjene, rysuja pisany wobraz serbskich wsow a jich bywšich a nětčišich wobydlerjow. Podajće so na putace pućowanje po lětstotkach, wotkrywajće sej swójbne stawizny a zhladujće wróćo na wjesołe, ale tež ćežke časy Chróšćanskeje wosady. -
Čitanska sowa 1
16,90 €inkl. 7% MwSt., zzgl. VersandkostenZa šulerjow zakładneje šule je wušoł nowy material k spěchowanju čitanskeje kompetency w předmjeće serbšćina, Čitanska sowa. Jedna so wo 9 čitanskich hrow, kotrež hodźa so z cyłej rjadownju hromadźe ‘hrać’. Kóžda hra wobsahuje 24 kartkow k rozdźělnym temam: Šulske wěcy, Jutry/Nalěćo, Drasta, Zwěrjata, Kalender, Swjedźenje/Nałožki, Čas, Budyšin a Napřećiwki. Čitanska hra je koncipowana jako čitanski rjećaz, pola kotrehož maja dźěći w skupinje sej mjez sobu připosłuchać, předčitać a prawje reagować. Dźěćo ze startowej kartu započina. Kóžda kartka so předčita. Ručež dźěćo w předčitanym swójsku kartu spóznaje, wone wotpowědnje reaguje a předčita potom tekst swojeje karty. Tak dźe to dale, doniž njejsu so wšitke karty přečitali a kónc docpěty. -
Terminologija za předmjet Biologija
9,90 €inkl. 7% MwSt., zzgl. VersandkostenWušła je nowa hornjoserbska terminologija za předmjet biologija. Wona je so w lektoraće za pedagogisku literaturu Rěčneho centruma WITAJ na zakładźe płaćacych wučbnicow znowa zestajała a bu wobšěrnje rozšěrjena a aktualizowana. Do noweje terminologije smy zapřijeli wědu ze slědowacych fachowych wučbnicow, kotrež w serbskej rěči předleža: Wučbnicy biologije 5 a 6 za wyše šule w Sakskej, Biologija – Level 7 a 8 za gymnazije w Sakskej, Biosfera 5, 6 a 7 za gymnazije w Sakskej. Mjenowana nowa zběrka je za šulerjow wyšich šulow a gymnazijow a njewobsahuje jenož fachowe zapřijeća z registrow horjeka aktualnje płaćiwych wučbnicow, ale kopicu dalšich wažnych a lědma znatych serbskich fachowych zapřijećow. Su to nimo pomjenowanjow za floru a fawnu mjena zwěrjatow a jich stawow ćěła, ale předewšěm tež wurazy a wobroty hladajo na ćěło a strowotu čłowjeka a jeho rozpłodźowanje a wuwiće. Nadrobnišo čitajće wo tym w 3. čisle Serbskeje šule spočatk awgusta. -
Wulět do swěta wědy 1
18,00 €inkl. 7% MwSt., zzgl. VersandkostenWušła je 1. mapa noweho rjadu “Wulět do swěta wědy”, kotraž je so w zhromadnym dźěle z koordinatorkami serbskich zakładnych šulow Chrósćicy, Ralbicy, Worklecy a Pančicy-Kukow nadźěłała. Jedna so wo wuknjenske karty za wěcnu wučbu, kotrež móža so jako wudospołnjacy material w 3. a 4. lětniku wužiwać. Jednotliwe karty wužiwaja so w znatym LOGICO kašćiku nakładnistwa FINKEN (hlej https://www.finken.de/LOGICO/). Wotměnjawe nadawki bazuja na wubranych temach, kaž na přikład kraje a jich chorhoje, stolicy krajow, žito, wóčko, wucho atd., kotrež su wobsah wěcneju knihow “Mlóč 3” a “Mlóč 4” a zdobom wučbnemu planej 3. a 4. lětnika wotpowěduja. Tutón woblubowany wuknjenski system skića wšitkim dźěćom zwučowanski poskitk, kotryž wjeselo čini a motiwuje. Nadawkowe karty w kombinaciji z kašćikom zmóžnjeja samostatne dźěłanje, wospjetowanje a skrućenje rozdźělnych wuknjenskich wobsahow z bjezposrědnjej samokontrolu.
Aktuelle Informationen
Literarne chłósćenki za zniženu płaćiznu
Lubowarjo serbskeje literatury kedźbujće!
Poskićamy za přichodne 4 tydźenje ekskluziwny wuběr redukowanych knihow. Wužiwajće składnosć, zo byšće swoju biblioteku z wysokohódnotnymi serbskimi twórbami rozšěrili abo nowe pokłady wotkryli!
Wjeselimy so na Waš wopyt w Smolerjec kniharni abo skazajće knihi cyle jednorje tu přez onlineshop
mehr anzeigen»
Rozrost Towaršneho spěwnika
Aplikacija „Towaršny spěwnik“ je wo dalši pakćik spěwow rozrostła. Wo tym informuje Ludowe nakładnistwo Domowina, kotrež app wobhospodarja. Wot nětka su tež dźěćace spěwy integrowane. ...